NEWS

NEWS (80)

TAMWA YAKUTANA NA WAHARIRI WA VYOMBO VYA HABARI

24 March 2017 Written by
Published in NEWS
Chama cha Wanahabari Wanawake Tanzania (TAMWA), kimekutana na wahariri kutoka Mikoa ya Pwani na Dar es Salaam kujadili namna ya kuripoti habari zinazohusu masuala ya usalama barabarani. Mkurugenzi mtendaji wa TAMWA Bi Edda Sanga , amewashukuru wahariri kwa ushirikiano mkubwa waliotoa wakati wa utekelezaji wa mradi wa Usalama Barabarani awamu ya kwanza ambao ulichukua miezi saba kukamilika. Pia aliwaomba kuanza kwa pamoja utekelezaji wa awamu nyingine ya mradi mpya ambao utahusisha mikoa ya Pwani, Morogoro na Dar es Salaam. Kwa kauli moja wahariri waliridhia kutoa ushirikiano wa dhati kwa kuandika na kurusha habari zenye kulenga kushawishi maboresho ya sheria ya sasa ya Usalama Barabarani ya mwaka 1973 na pia kutoa elimu kuhusu matumizi sahihi ya sheria na kanuni za usalama barabarani.
Chama cha Wanahabari Wanawake (TAMWA) kupitia kitengo chake cha usuluhishi na ushauri nasihi (Crisis Resolving Center – CRC), leo kimehudhuria na kutoa msaada wa kisheria na ushauri nasihi kwa watu waliohudhuria maazimisho ya siku ya ustawi wa jamii duniani. Maadhimisho hayo yameyofanyika  katika viwanja vya Taasisi ya Ustawi wa Jamii iliyoko Kijitonyama, jijini Dar es Salaam. Akiongea katika maadhimisho hayo, Waziri wa maendeleo ya Jamii, Jinsia,Wazee na Watoto Mh. Hamisi Kigwangala, amesema kuwa ni wakati sasa kwa Wataalam wa ustawi wajamii kupitia wizara hiyo kuwa na sheria  ya kitaaluma ya ustawi, ambapo amemwagiza katibu mkuu wa wizara yake kuhakikisha mswada huo kufikishwa bungeni mwaka huu mwezi wa tisa ili upitishwe na kuwa sheria. Waziri Kigwangala amesema kwa sasa kumekua na mmomonyoko wa maadili, zikiwemo mimba za utotoni, utumiaji wa madawa ya kulevya, mapenzi ya jinsia moja, ubakaji pamoja na ulawiti. Aidha amewataka Maafisa ustawi wa jamii kuendelea kusimamia na kuelimisha Jamii kuhusiana na ongezeko la vitendo viofu katika jamii. Kauli mbiu ya siku hii ni, “USTAWI WA JAMII: KUKUZA NA KUIMARISHA JAMII NA MAZINGIRA”.

TAMWA YAWA KUTANISHA WADAU WA USALAMA BARABARANI

23 February 2017 Written by
Published in NEWS
Chama cha Wanahabari Tanzania – TAMWA kimekutana na wadau mbalimbali wa usalama barabarani kujadili mambo mbalimbali yahusuyo usalama Barabarani hususani marekebisho ya Sheria ya Usalama Barabarani. Mkusanyiko huo ulifanyika katika Ofisi za TAMWA zilizopo Sinza Mori – Dar es Salaam. Mkusanyiko huo wa wadau ulihusisha baadhi ya wabunge wa kamati ya mambo ya nje, Ulinzi na usalama, Mkurugenzi wa sheria kutoka Wizara ya mambo ya ndani, wawakilishi wa jeshi la polisi kikosi cha Usalama Barabarani pamoja wadau mbalimbali kutoka asasi za kiraia. Washiriki walipata nafasi ya kusikiliza mada mbalimbali kuhusiana na masuala ya usalama barabarani na hali ilivyo sasa, ambapo ilielezwa kuwa hali ilivyo kulingana na takwimu zinaonyesha kuwa takribani watu milioni 1.25 hufariki dunia kila mwaka kutokana na ajali za barabarani, aidha, watu milioni 20 hadi 50 hujeruhiwa na wengine hupata ulemavu wa kudumu wengi wao wakiwa ni vijana wenye nguvu kazi ya Taifa. Hii ni kutokana na takwimu za Shirika la Afya Duniani (WHO) 2015. Kwa upande waTanzania Bara, taarifa kutoka jeshi la polisi Kikosi cha Usalama Barabarani inaonyesha kwamba, kwa mwaka 2016 jumla ya watu 3,256 walipoteza maisha kutokana na ajali za barabarani. Katika vifo hivyo wanaume ni 2,580 na wanawake ni 676. Aidha kumekuwa na majeruhi 8,958 kati yao wanaume ni 6,470 na wanawake 2,488. Wakati vyombo vya moto vilivyoongoza katika ajali ni magari binafsi ambayo idadi yake 3,649 ikifuatiwa na pikipiki kwa idadi ya 2,544. Maeneo ambayo yanapewa kipaumbele katika maboresho ya sheria ya Usalama barabarani ya 1973 ni: ulevi, mwendokasi, uvaaji kofia ngumu, vizuizi kwa watoto na ufungaji mikanda. TAMWA ina imani kwamba endapo maboresho ya Sheria mama ya usalama barabarani itafanyiwa marekebisho basi tutafanikiwa kutokomeza ajali zinazosababishwa na makosa ya kibinadamu nchini.
Chama cha Wanahabari Wanawake (TAMWA) leo kimezindua mradi mpya unaofadhiliwa na Sourthen African AIDS Trust (SAT) unaolenga kukomesha ongezeko la vitendo vya ubakaji na ulawiti katika wilaya ya Kinondoni na Temeke mkoani Dar es salaam. Mradi huo umezinduliwa na Mkurugenzi mtendaji wa TAMWA Bi Edda Sanga katika Hoteli ya Elegancy iliyopo Sinza Mori Dar es salaam. Mwezeshaji katika uzinduzi wa mradi huo ni Bi Valerie Msoka ambaye pia ni Mwenyekiti wa Mtandao wa mashirika yanayopinga ndoa za utotoni(TECMN). Uzinduzi huo umehudhuriwa na wadau mbalimbali wakiwemo waalimu, wanafunzi, madakatari, mahakimu, pamoja na viongozi wa Serikali za Mitaa kutoka wilaya za Kinondoni na Temeke. Aidha kupitia mradi huo, TAMWA itatumia vyombo vya habari katika kutoa elimu ya masuala ya ubakaji na ulawiti kwa watoto ndani ya jamii kwa kushirikiana na kitengo chake cha usuluhishi cha TAMWA (CRC), kinachotoa ushauri nasihi na msaada wa kisheria.
Chama cha Wanahabari wanawake Tanzania (TAMWA) kwa kushirikiana na Equality For Growth (EFG), wamefanya mkutano na wasaidizi wa kisheria kuhitimisha mradi uliofanyika wilaya ya Ilala kwa kipindi cha miaka miwili kuanzia 2015 hadi 2017 Maeneo ya Buguruni Sokoni, Ilala sokoni na Kiwalani sokoni. Lengo la kufanya mkutano huo ni kupata mrejesho wa utekelezaji wa mradi uliofanyika maeneo hayo ili kujua ni kwa kiwango gani kumefanikiwa katika kupunguza ukatili wa kijinsia kwa wanawake masokoni,kujua changamoto zake na nini kifanyike baada ya kumalizika kwa mradi huu. Wadau hao ambao ni wasaidizi wa kisheria , wahandishi wa habari na viongozi wa masokoni wametoa mirejesho wa utekelezaji wa mradi katika maeneo yao ambapo wameonyesha mafanikio makubwa ya kupungua kwa ukatili wa kijinsia masokoni, na elimu kwa jamii maeneo ya sokoni juu ya madhara ya ukatili wa kijinsia. Wadau wameonyesha mafanikio mengine makubwa katika kuleta usawa wa kijinsia masokoni kama vile mwongozo na katiba ambapo imetoa fursa ya uongozi kwa wanawake katika nyanja mbalimbali. Katiba hiyo imetoa nafasi nne (4) za upendeleo kwa wanawake katika nafasi mbalimbali za uongozi, na pia imetoa fursa ya uongozi wa juu kwa wanawake mfano nafasi ya mwenyekiti ikichukuliwa na mwanaume basi nafasi ya makamu wa mwenyekiti lazima ichukuliwe na mwanamke. Katiba hizo zimetoa tamko la usawa wa kijinsia katika nafasi mbalimbali za uongozi. TAMWA kwa kushirikiana na EFG wamewawezesha wanawake mbalimbali kiuchumi kupitia vikundi vyao vya ujasiriamali na VICOBA ambapo wengi wao wamenufaika kwa kiasi kikubwa kiuchumi na wanaweza kijiendesha maisha yao na familia zao bila wasiwasi wowote. Wadau wameomba muendelezo wa mradi huu pamoja na ushirikiano ili tuweze kumkomboa mwanamke kiuchumi,kifikra na kutokomeza ukatili wa kijinsia masokoni.

OUR YOUTUBE VIDEOS

Events - Calendar

March 2017
Mon Tue Wed Thu Fri Sat Sun
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

FOLLOW US ON FACEBOOK

JoomShaper